Мојата фитнес рутина + мотивација!!

 

Летото е веднаш зад аголот и сите не фаќа носталгија кон тоа совршено бикини тело. Иако сум релативно нова во вежбањето и фитнесот, сепак имам тренирано одбојка 2 години, па колку-толку имам некакво искуство и сакав да ги споделам вежбите кои мене ми помогнаа, мојата фитнес рутина која јас ја практикувам и мотивација како да бидете упорни за да ја достигнете вашата цел. 

Јас вкупно вежбам 4 пати неделно во теретана, а останатите денови од дома. Од дома ги следам видеата на blogilates, затоа што не е потребна никаква опрема. Рутината ја започнувам со кардио - 10 минути на трака, 10 минути на велосипед. Потоа следуваат вежбите, но најмногу се посветувам на пределот на стомакот  бидејќи тоа е мојата проблематична област. Тоа се најчесто:

1)    Стомачни – (50 повторувања)

2)    Bicycle crunches – (50 повторувања, по 25 на секоја страна)

3)    Mountain climbers - (25 на секоја нога)

4)    Leg raises – (25 повторувања)

5)    Plank (1 минута)

6)    Ова е дополнително но јас обожавам да скокам на јаже и обично скокам по неколку минути 

     

      Ова не е постојана рутина и не ја правам постојано истата, обично додавам и некоја друга вежба. А доколку не сакате да трошите пари за теретана (затоа што тоа знае да биде многу скапо), можете да најдете други активности. Се приближува летото и со тоа и убавото време па можете да излезете и да шетате. Не зборувам за некакво трчање туку и наједноставна прошетка од 30 минути, со пријателка или пак вашето милениче. Друг совет е пиење не вода, јас додека вежбам пијам 1,5 литри вода. И секако треба да се внимава и на јадењето, да се јаде чисто без никакви калории и газирани сокови. Доколку сакате може и да објавам неколку идеи за здрав појадок, затоа што знам кај мене дека ако почнам со нездрав појадок ја губам секоја желба понатаму да се хранам здраво.

И за крај не заборавајте да се сакате себеси какви што сте! Целта на здравото хранење не е во држењето на диети и изгладување, туку во водење на здрав животен стил.

 xoxo